Sovente

Saje penzò comm’a na vòta
Ausuliànne ll’acqua
Lucènte ca ’ntrasatto s’arrevòta.
Vire ’int’ ’u scuro
Ati ccose, chèlli rrose ca na vòta
Tu tremendìve. E piénze
Ógne ghiuórno a tutte chélli
Rruvine ca schióppano
E se spànneno.
Ati pparole siénte.
Rire comm’a nu criaturo.
Grare e viche ’ntruppecùse vire
E ’ntrasatto te piglia ’a paura.
Nun te saje stò
Zitto e comm’a na vòta parle
Int’ ’u scuro. Sóngo passate
Anne e anne ma tu
Nunn ê perduto chélla léngua
Ormaje luntana cchiù r’ ’a luna.

Michele Sovente